I wedd a Schneck sai

        I wedd a Schneck sai, no könnt i mie

        ällamol en mai Häusle zrückzieaga,

        däd da Deckel zuamacha, ond no

        könndad mir älle da Buckel

        oder s Schneckahaus nonderruscha!
 

        I wedd dui Ruha hann von ra Schneck.

        Koi Hektik, koin Streß ond koi

        Aufregung, bloß dui unendlich

        Ruha von  ra Schneck!
 

        I wedd des Gottvertraua hann von ra Schneck,

        wo morgens vor maim Haus ahfangt über

        d'Stroß zum krieacha, ond wenn i am

        mittags hoimkomm sieh i ihr Spur

        ohne Onderbrechung auf dr

        andera Stroßaseit em Gras verschenda!

        Deshalb wedd i a Schneck sai!

                     (Winfried Wagner)